काठमाडौं । उपत्यकाबाट बाहिरिने र भित्रने सवारी पास अर्को व्यवस्था नभएसम्मका लागि पूर्ण रूपमा बन्द गरेको छ । गृह मन्त्रालयको निर्देशनमा जिल्ला प्रशासन कार्यालयले काठमाडौं सवारी पास पूर्ण रूपमा बन्द गरेको हो ।
सरकारले लकडाउन खुलेसंगै देशमा कोरोनाभाइरस संक्रमित संख्या वृद्धि भएपछि गृहले साउन २८ गते पास वितरण बन्द गर्न ७७ जिल्ला प्रशासनलाई निर्देशन दिएको थियो। गृहको निर्देशन अनुसार अब काठमाडौं आउन र यहाँबाट बाहिरी जिल्ला जान पाइने छैन।
जिल्ला प्रशासन कार्यालय काठमाडौंका प्रशासकीय अधिकृत कमलप्रसाद पाण्डेका अनुसार अन्य जिल्ला प्रशासनले पनि काठमाडौं भित्रने पास दिने छैनन्। पास वितरण बन्द भए पनि अत्यावश्यक सामान बोकेका सवारी साधन र एम्बुलेन्स भने चल्न पाउने छन्।
