काठमाडौं । नेपाल कम्युनिस्ट पार्टी (नेकपा) केन्द्रीय समिति बैठक तीनदिन सरेको छ । २० गतेका लागि तय भएको नेकपा केन्द्रीय कमिटी वैठक २३ गते सरेको हो ।
तत्कालीन नेकपा एमाले र एकीकृत माओवादी केन्द्र मिलेर बनेको नेकपाले सचिवालय सदस्य बामदेव गौतमलाई उपाध्यक्ष बनाउने तयारी गरेको छ। नेकपामा चार सय ४५ सदस्यीय केन्द्रीय कमिटी सदस्य छन्। तर बैठकका एजेन्डा अहिले नै सार्वजनिक गरिएको छैन।
विधान अनुसार केन्द्रीय समितिको बैठक ६ महिनामा एक पटक बस्नुपर्ने भएनी २०७३ जेठ ३ गते पार्टी एकीकरण भएपछि एकपटकभन्दा बढी बैठक बसेको छैन।
०७५ जेठ १० मा निर्वाचन आयोगमा दल दर्ता गर्ने प्रयोजनका लागि सबै केन्द्रीय सदस्यको हस्ताक्षर, नागरिकता र माइन्युट तयार गर्न बैठक बसेको थियो। बैठकमा अध्यक्षद्वयद्वले सम्बोधन गरेका थिए। पार्टी केन्द्रीय कमिटीमा ३३ प्रतिशत महिला प्रतिनिधित्व नभएपछि मुखरित भएको आलोचनालाई ओलीले थामथुम पार्ने प्रयास गरेका थिए।
