काठमाडाैँ । स्याङ्जाको वालिङ नगरपालिका–१ ओडारेस्थित आँधीखोला किनारबाट अवैध रूपमा नदिजन्य पदार्थ उत्खनन् तथा ओसार–पसारमा संलग्न एक ट्याक्टर प्रहरीले नियन्त्रणमा लिएको छ।
प्राप्त सूचनाका आधारमा वडा प्रहरी कार्यालय वालिङबाट खटिएको प्रहरी टोलीले मिति २०८२/१२/१८ गते सो स्थानमा ढुङ्गा लोड गरिरहेको अवस्थामा ट्याक्टर फेला पारी नियन्त्रणमा लिएको प्रहरीले जनाएको छ। नियन्त्रणमा लिइएको ट्याक्टरको नम्बर ग.१ त. ७१६८ रहेको छ।
प्रहरीका अनुसार नदिजन्य पदार्थ अवैध रूपमा उत्खनन् गरी ओसार–पसार भइरहेको सूचनापछि गरिएको अनुगमनका क्रममा उक्त ट्याक्टर फेला परेको हो। नियन्त्रणमा लिइएको ट्याक्टरलाई आवश्यक अनुसन्धान तथा कानुनी कारवाहीका लागि वालिङ नगरपालिकाको कार्यालयमा पठाइएको प्रहरीले जानकारी दिएको छ।
