काठमाडौंको बालुवाटारस्थित सुविसु केवुल नेटवर्कको कार्यालयमा आगलागी भएको छ ।बुधबार मध्यान्ह उक्त कार्यालयको पेट्रोल जम्मा गरेर राखिएको ठाउँमा आगलागी भएको महानगरीय प्रहरी वृत्त महाराजगन्जका डिएसपी फडिन्द्र प्रसाईंले बताए ।
यता आगलागी भएको स्थान बालुवाटारस्थित सडकबाट नजिकै पर्छ ।सोही कारण ट्राफिक डाइभर्ट गर्नुपरेको ट्राफिकले जनाएको छ। इटालियन मोड, भाटभटेनी र गैरीधाराबाट सवारी साधनलाई डाइभर्ट गरिएको महानगरीय ट्राफिक प्रहरी महाशाखाले बतायो ।यतिबेला खुर्सानीटार, भाटभटेनी हुँदै चल्ने सवारी साधन चापमा छन् ।
अहिले दमकलले आगो निभाउने कोशिस गरिरहेको छ । नेपाल प्रहरी, सशस्त्र प्रहरी, नेपाली सेना पुगिसकेको छ। आगो फैलिँदै गरेको र मानवीय क्षति भएनभएको पुष्टि नभइसकेको उनले बताए ।
