काठमाडौं । उत्तर कोरियाली शासक किम जङ-अनले हालैको मिसाइल र हतियार परीक्षणबारे मुख खोलेका छन् । उनले उक्त परीक्षण एक तरिकाले अमेरिका र दक्षिण कोरियाका लागि चेतावनी भएको बताएका छन् ।
न्यूज एजेन्सी केसीएनएका अनुसार किमले मंगलबार दुबै देशको संयुक्त युद्धाभ्यासलाई उत्तर कोरियासँग भएको सम्झौताको उल्लंघन बताएका छन् । अमेरिका र दक्षिण कोरियाको सैन्य अभ्यास सोमबार सुरु भएको थियो ।
दक्षिण कोरियाका जोइन्ट चीफ अफ स्टाफले उत्तर कोरियाले कम दुरीको ब्यालेस्टिक मिसाइल लन्च गरेको जानकारी दिएका छन् । समाचारहरूमा जनाइएअनुसार नेता किमले मङ्गलवार रणनैतिक महत्त्वका क्षेप्यास्त्र परीक्षणको अवलोकन गरेका थिए पछिल्लो दुई हप्तामा यो चौथो परीक्षण हो ।
