काठमाडौं । राष्ट्रपति विद्यादेवी भण्डारीको चीन भ्रमणको बेला नेपाल र चीनबीच पारवहन प्रोटोकलमा हस्ताक्षर हुने भएको छ । उक्त प्रोटोकलमा वैशाख दोस्रो साता हस्ताक्षर हुुने भएको हो ।
बेल्ट एन्ड रोड इनिसिएटिभ (बीआरआई) सम्मेलनमा सहभागी हुन राष्ट्रपति भण्डारी बेइजिङ जाने तयारी छिन् । त्यही बेला नेपाल र चीन पारवहन सम्झौता कार्यान्वयनका लागि बनेको ‘प्रोटोकल’मा हस्ताक्षर गर्ने योजना बनाइएको वाणिज्य मन्त्रालय स्रोतले बताएको छ ।
प्रोटोकलमा हस्ताक्षर भए चीनले नेपाललाई चार वटा समुन्द्री र तीन सुख्खा बन्दरगाह प्रयोग गर्न दिनेछ । यससँगै तेस्रो मुलुकबाट हुने आयातका लागि भारतीय बन्दरगाहमाथि परनिर्भरता अन्त्य हुनेछ ।
उद्योग, वाणिज्य तथा आपूर्ति मन्त्रालयका सहसचिव रवीशंकर सैंजूले वैशाख दोस्रो साता राष्ट्रपतिको भ्रमणका क्रममा यो प्रोटोकललाई द्विपक्षीय सहमति गराएर अन्तिम टुुुुंगो लगाइने जानकारी दिए।
उनका अनुुुुसार राष्ट्रपति भण्डारी र चीनका राष्ट्र प्रमुुुुखको उपस्थितिमा दुुुुई मुुुुलुुुुकका सचिवले अन्तिम रूप पाएको प्रोटोकलको मस्यौदामा संयुुुुक्तरूपमा हस्ताक्षर गर्ने तयारी छ। ‘हाम्रोतर्फबाट प्रोटोकल पूरा भइसकेको छ। राष्ट्रपति चीन भ्रमणका क्रममा संयुुुुक्त हस्ताक्षर हुुुुनेछ’, उनले भने। मन्त्रिपरिषद्को बैठकले पनि प्रोटोकलसम्बन्धी मस्यौदा एक महिनाअघि स्वीकृत गरिसकेको छ।
हाललाई नेपालले तियान्जेन, सेनजेन, लियानयुगाङ र झाङजियाङ गरी चार वटा सामुन्द्रिक बन्दरगाह प्रयोग गर्न सक्ने सहमति भएको छ । सुख्खा बन्दरगाहतर्फ आन्जाओ, ल्हासा र सिगात्से पनि प्रयोग गर्न सकिनेछ । सुख्खा बन्दरगाहतर्फ आन्जाओ, ल्हासा र सिगात्से पनि प्रयोग गर्न सकिनेछ ।
नेपालले चीनको भूमि हुँदै जापान, कोरिया लगायतका तेस्रो मुलुकबाट वस्तु आयात गर्न र तेस्रो मुलुकबाट बस्तु निर्यात गर्न पारवहन मार्ग खुला हुनेछ ।
नेपालले हाल भारतको कोलकता र विशाखापटमको सामुन्द्रिक बन्दरगाह प्रयोग गरिरहेको छ । चीनसँग सम्झौतापछि नेपालले चीनबाट पनि समुन्द्रमा पहुँच प्राप्त गर्नेछ ।
