सिड्नी । ग्रानभिल नेपाली सामूदायिक क्लबले नेपाली हिन्दुहरुको महान चाड दशैं र तिहारको पूर्वसन्ध्यामा ‘दशैं तिहार साँझ २०१४’ आयोजना गर्ने भएको छ ।
आगामी सेप्टेम्बर २० का दिन ग्रानभील टाउन हलमा रमाइलो साँझ आयोजना गर्न लागिएको हो । यस कार्यक्रममा नेपाली समूदायका विभिन्न कलाकारहरुले आकर्षक प्रस्तुत दिने क्लबले जनाएको छ ।
यस्तै कार्यक्रममा सांगीतिक कार्यक्रमका साथै डिजे सेसन, नेपाली परिकारहरु समेत पस्किने तयारी गरिएको छ ।
सन् २००९ मा बनाइएको ग्रानभिल नेप्लिज कम्युनिटी क्लबले हरेक वर्ष यस्तै कार्यक्रम गरी देश भन्दा टाढा बसेका नेपालीहरुलाई एकताबद्ध गराइरहेको छ ।
देश भन्दा टाढा रही चाडवाडमा एक्लो र खल्लो महसूस नहोस् भन्ने उद्देश्यका साथ क्लबले दशैं तिहार साँझ मनाउन लागेको हो ।
यस्तै, नेपाली कला, संस्कृतिको प्रबद्र्धनमा सहयोग पनि पुगोस् भन्ने उद्देश्यले आफ्ना गतिविधि अघि बढाइरहेको क्लबले जनाएको छ ।
