काठमाडौं । आज प्रधानमन्त्री केपी शर्मा ओलीद्वारा आह्वान सर्वदलीय बैठकमा माओवादी केन्द्रका अध्यक्ष पुष्पकमल दाहाल ‘प्रचण्ड’ नजाने भएका छन्।
अध्यक्ष प्रचण्डलाई सर्वदलीय भनेर समेत नभनिएको र नबोलाएको हुनाले बैठकमा जाने कुरै नभएको प्रचण्ड निकट एक नेताले जानकारी दिए । त्यसमाथी पनि अध्यक्ष प्रचण्डले सिंहदरबारमै बैठक गरौं भनेकाले पनि उता प्रधानमन्त्री निवास बालुवाटारमा नजाने प्रचण्ड निकट सो नेताले बताए ।
अध्यक्ष प्रचण्डलाई सर्वदलीय बैठक भनेर पनि नबोलाएको स्रातले जनाएको छ । प्रधानमन्त्री निवास बालुवाटारमा ११ बजे सर्वदलीय बैठक बस्दैछ ।
