काठमाडौं। उच्च अदालत पाटनले राप्रपाका वरिष्ठ उपाध्यक्ष रवीन्द्र मिश्र र महामन्त्री डा. धवलशम्शेर राणालाई धरौटीमा रिहा गर्ने जिल्ला अदालतको आदेशलाई सदर गरेको छ।
यसअघि जिल्ला अदालत काठमाडौंले दुवै नेतालाई जनही ३–३ लाख रुपैयाँ धरौटीमा छोड्ने आदेश दिएको थियो। सो आदेशविरुद्ध सरकारी पक्षले उच्च अदालत पाटनमा पुनरावेदन गरेको थियो। तर उच्च अदालतले जिल्ला अदालतको निर्णयलाई यथावत् राख्दै मिश्र र राणालाई धरौटीमा रिहा गर्नुपर्ने ठहर गरेको हो।
उच्च अदालतको आदेशपछि अब उनीहरू कारागारबाहिरै रहेर आफ्ना मुद्दाको कानुनी प्रक्रिया अगाडि बढाउन सक्नेछन्।
