काठमाडौँ । सरकारले ‘पानी जहाज कार्यालय’को रजिस्टारमा ऋषिराज कोइरालालाई नियुक्त गरेको छ । केही दिनअघि बसेको मन्त्रिपरिषदको बैठकले कार्यालयको रजिष्टारमा कोईरालालाई नियुक्त गरेको हो ।
मन्त्रिपरिषदको गत पुस २९ गतेको बैठकले वरिष्ठ डिभिजनल इञ्जिनियर एक, शाखा अधिकृत एक, कानून अधिकृत एक, लेखा अधिकृत एक, मेकानिकल, राजमार्ग र सिँचाइतर्फका इञ्जिनियर एकरएक गरी तीनजना, सहायक र कार्यालय सहयोगी गरी ८ जना कर्मचारीको दरबन्दी स्वीकृत गरेको थियो ।
पानी जहाज कार्यालय भौतिक पूर्वाधार तथा यातायात मन्त्रालय मातहत छ । कार्यालयमा उपसचिवको नेतृत्वमा १६ जना कर्मचारीको दरबन्दी निर्धारण गरिएको छ ।
