काठमाडौं । नेपाली कांग्रेसका नेता डा.शेखर कोइरालाले राजनीतिबाट अलग रहेको नेपाली सेनामा माओवादीका पूर्व लडाकुका लागि नियमको दुरुपयोग गर्ने चलखेल स्वीकार्य नभएको जनाउनु भएको छ ।
नेता कोइरालाले सेनामा गरिने राजनीतिक चलखेलले दुर्घटना निम्त्याउने हुँदा यस्तो कार्य नगर्न चेतावनी पनि दिनु भएको छ ।
माओवादीको जनमुक्ति सेना नेपाली सेनामा समायोजना हुँदा यम बहादुर अधिकारी जनमुक्ति सेनाको तर्फबाट सेनामा समायोजन हुनु भएको थियो ।
नेपाली सेनाको विशेष पद खडा गरी उहाँलाई नियुक्ति दिएपनि पटक पटक म्याद थप गरिए पछि सेनामा हस्तक्षेप भएको भन्दै आलोचना हुँदै गएको छ ।
नेता कोइरालाले लेख्नुभएको छ-
नेपाली सेनाजस्तो राष्ट्रिय सुरक्षासँग जोडिएको र सधैं राजनीतिवाट अलग रहेको संस्थामा माओवादीको पुर्व लडाकुका लागि नियमको दुरुपयोग गर्ने चलखेल स्वीकार्य छैन । सेनामा गरिने राजनीतिक चलखेलले दुर्घटना निम्त्याउने हुँदा यस्तो कार्य नगरौं । सम्बन्धित निकायहरुलाई यो कुराको हेक्का होस ।
