काठमाडौं । लुम्बिनी प्रदेशका मुुख्यमन्त्री शंकर पोखरेलविरुद्ध अविश्वासको प्रस्ताव दर्ता भएको छ । मुख्यमन्त्री पोखरेलविरुद्ध अविश्वासको प्रस्ताव लिएर प्रदेशसभा सचिवालयमा नेपाली कांग्रेस, नेकपा माओवादी केन्द्र, जनता समाजवादी पार्टी (जसपा)का प्रदेशसभा सदस्यहरू प्रदेशसभा सचिवालयमा पुग्नुभएको हो ।
नयाँ मुख्यमन्त्रीमा माओवादी केन्द्रका कुलप्रसाद केसीलाई प्रस्ताव गरिएको अविश्वासको प्रस्तावमा उल्लेख छ ।
८७ सदस्य रहेको प्रदेशसभामा नयाँ सरकार बनाउनका लागि ४३ प्रदेशसभा सदस्य चाहिन्छ । जसमध्ये माओवादी केन्द्रबाट एमालेमा प्रवेश गरेका दुई सदस्य पदमुक्त हुनुभएको छ ।
एमालेसँग ४१ प्रदेशसभा सदस्य रहँदा नेपाली कांग्रेसका १९, माओवादी केन्द्रका १७, जसपाका ६ र राष्ट्रिय जनमोर्चासँग १ प्रदेश सभा सदस्य रहेको छ ।
