म्याड्रिड । आइतबार स्पेनी ला लिगामा बार्सिलोनाले ओसासुनालाई सजिलै ४–० ले हरायो र त्यसमा लियोनल मेसीले दिवंगत डिएगो म्याराडोनामाथि भावपूर्ण श्रद्धाञ्जली प्रकट गरेका छन् । टिमका लागि उत्कृष्ट प्रदर्शन गरेका मेसीले दोस्रो हाफमा व्यक्तिगत उत्कृष्ट गोल पनि गरे ।
बार्सिलोनाका लागि मार्टिन ब्रेथ्वाइट, एन्टोन ग्रिजमन र फिलिपे कोउटिन्होले पनि गोल गरे । मेसीले भने चौथो गोल गरेयता आफ्नो बार्सिलोनाको जर्सी फुकाले र आफ्नो घरको क्लब न्युवेल्स ओल्ड ब्वाइजको रातो तथा कार्लो धर्के जर्सी प्रदर्शन गरे । त्यो १० नम्बर अंकित थियो ।
सन् १९९३ मा म्याराडोनाले छोटो समयका लागि यस रोसारियो क्लबबाट पनि खेलेका थिए । खेल अगाडि क्याटलान क्लब आफैले म्याराडोनाप्रति श्रद्धाञ्जली व्यक्त गरेको थियो र यसक्रमा एक मिनेटको मौन धारण पनि राखिएको थियो । म्याराडोनाले सन् १९८२ देखि १९८४ सम्म बार्सिलोनाका लागि खेलेका थिए ।
