एजेन्सी । म्यान्मारको एक सैन्य अदालतले अमेरिकी पत्रकार ड्यानी फेन्स्टरलाई ११ वर्ष जेल सजाय दिने निर्णय सुनाएको छ ।
फेन्स्टरले अध्यागमन कानुन उल्लङ्घन गरेको, गैरकानुनी सङ्गठन गरेको र सेनाविरुद्ध विद्रोह गर्न प्रोत्साहन गरेको ठहर गर्दै सो अदालतले फेन्स्टरलाई जेल सजाय सुनाएको हो ।
केही दिनअघि उनीविरुद्ध सैन्य सरकारले राजद्रोह र आतङ्कवादका अन्य दुई अभियोग लगाएको थियो । ती अभियोग प्रमाणित हुँदा आजीवन कारावास पनि हुनसक्ने बताइएको छ ।
यद्यपि नयाँ मुद्दामा निर्णय हुन भने बाँकी नै छ । ३७ वर्षीय फेन्स्टर फ्रन्टीअर म्यान्मार अनलाइन साइटका प्रबन्ध सम्पादक थिए । उनलाई गत मे महिनामा याङ्गुनस्थित अन्तर्राष्ट्रिय विमानस्थलबाट पक्राउ गरिएको थियो ।
