काठमाडौं । प्रधानन्यायाधीश चोलेन्द्रशम्शेर जबराको राजीनामा माग्दै दबाबमुलक आन्दोलनमा उत्रिएको नेपाल बार एशोसिएसनले प्रधानन्यायाधीशलाई सर्वोच्च अदालतमा प्रवेश गर्न नदिन मुल ढोकामा नै धर्ना सहित जुलुस गरेको छ ।
निषेधित क्षेत्रमा प्रर्दशनका क्रममा सर्वोच्च अदालतको गेट अगाडि कानुन व्यवसायीहरुबीच नै झडप समेत भएको छ । राजीनामा माग्ने र राजीनामा दिनु पर्दैन भन्ने कानून व्यवायायी बीच झडप भएपछि केहीलाई प्रहरीले पक्राउ गरेको छ । कानुन व्यवसायीको विरोध प्रदर्शनलाई मध्यनजर गर्दै सर्वोच्च अदालत आसपासमा सुरक्षा व्यवस्था कडा पारिएको छ ।
बिहीबारदेखि सर्वोच्च अदालत परिसरमा नै प्रदर्शनमा उत्रिएको बारले आज भने सर्वोच्च अदालतको मुलढोका अगाडी प्रदर्शन गरेको हो । बारले शक्ति प्रदर्शन गर्ने भन्दै आफ्ना सदस्यहरुलाई बिहान साढे नौ बजे नै उपस्थित हुन निर्देशन दिएको थियो ।
