काठमाडौं । राष्ट्रिय प्रजातन्त्र पार्टी (राप्रपा)का अध्यक्ष कमल थापाले पूर्वराजा ज्ञानेन्द्र शाहलाई गाली नगर्न प्रधानमन्त्री शेर बहादुर देउवालाई आग्रह गरेका छन् ।
उनले सामाजिक सञ्जालमार्फत प्रतिक्रिया जनाउँदै राजालाई गाली गरेर राज गर्ने जमाना नरहेको बताएका हुन् ।
प्रधानमन्त्री देउवाले बुधबार गणेशमान सिंह तथा जनआन्दोलन शहीद स्मृति शान्ति प्रतिष्ठानले शान्ति वाटिकामा आयोजना गरेको कार्यक्रममा पूर्वराजालाई गणतन्त्रविरुद्ध नलाग्न चेतावनी दिँदै शासन गर्ने मन भए चुनाव लड्न चुनौती दिएपछि थापाले यस्तो प्रतिक्रिया दिएका हुन् ।
थापाले ट्वीटरमा भनेका छन्,
प्रम देउवालाई आग्रह–
राजा विरुद्ध आक्रोश होईन,सुशासन दिनुहोस्।न्यायालय हडतालमा छ,संसद अवरुद्ध छ,सरकार भ्रष्टाचाररसर्वसत्तावादमा लिप्त छ,धर्मपरिवर्तन व्यापक भएको छ,रोजगारीको खोजीमा ४०लाख युवा विदेश पलायन भएका छन्।संघीय गणतन्त्र असफल भैसक्यो।राजालाई गाली गरेर राज गर्ने जमाना अब छैन
