काठमाडौं । तथ्यांक विभागले राष्ट्रिय जनगणना– २०७८ मा कालापानी लिपुलेक क्षेत्रमा पनि जनगणना गरिने जानकारी दिएको छ ।
विभागले बुधबार पत्रकार सम्मलेन गरेर लिपुलेक कालापानी क्षेत्रमा जनगणना हुने जनाएको हो । यस्तै विभागले अनुमानसहितको नतिजा प्रकाशित गर्ने पनि बताएको छ ।
विभागका महानिर्देशक नेविनलाल श्रेष्ठका अनुसार कालापानी लिपुलेक क्षेत्रमा जनगणनाको लागि भारतसँग कूटनीतिक पहल भइरहेको छ । राष्ट्रिय जनगणना देशव्यापी रुपमा भोलिदेखि सुरु हुँदैछ ।
