काठमाडौं । नेपालमा थप ९०० जनामा कोरोना भाइरसको संक्रमण पुष्टि भएको छ । पछिल्लो २४ घण्टामा ६ हजार १ सय ५८ परीक्षण गर्दा उक्त संख्यामा कोरोना संक्रमण पाइएको स्वास्थ्य तथा जनसंख्या मन्त्रालयले जनाएको हो । जसमध्ये ५ हजार ५३७ जनाको पीसीआरबाट र ६२१ जनाको एन्टीजेन परीक्षण गरिएको हो ।
योसँगै हालसम्म मुलुकभर २ लाख ८२ हजार ८ सय ९० जनामा कोरोना संक्रमण देखिएको छ । यस्तै २ लाख ७४ हजार ८ सय १२ संक्रमित उपचारपछि निको भएका छन् । मन्त्रालयका अनुसार पछिल्लो २४ घण्टामा २०८ संक्रमित निको भएका छन् ।
शुक्रबार कोरोना संक्रमणबाट मृत्यु हुनेको संख्या ४ रहेको छ । हालसम्म कोरोना संक्रमणबाट मृत्यु हुनेको संख्या ३ हजार ७० जना पुगेको छ ।
